Ganapati Atharvashirsha

ॐ भद्रं कर्णेभिः शृणुयामदेवाः भद्रं पश्येमाक्षभिर्यजत्राः। स्थिरैरङ्गैस्तुष्टुवाꣳसस्तनूभिः व्यशेम देवहितं यदायुः॥

Oṃ bhadraṃ karṇebhiḥ śṛṇuyāmadebhāḥ bhadraṃ paśyemākṣabhir-yajrātrāḥ. Sthirair-aṅgais-tuṣṭuvāṃsas-tanūbhiḥ vyaśema devahitaṃ yadāyuḥ

Om. O gods, may we hear with our ears what is auspicious. O ones worthy of worship, may we see with our eyes what is auspicious. May we, praising you with steady limbs and bodies, enjoy the full life allotted to us by the gods.

स्वस्ति न इन्द्रो वृद्धश्रवाः स्वस्ति नः पूषा विश्ववेदाः। स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु॥ ॐ शान्तिः शान्तिः शान्तिः

Svasti na Indro vṛddha-śravāḥ svasti naḥ Pūṣā viśva-vedāḥ. Svasti nas-tārkṣyo ariṣṭa-nemiḥ svasti no Bṛhaspati-r-dadhātu. Oṃ śāntiḥ śāntiḥ śāntiḥ

May Indra of ancient renown grant us well-being. May all-knowing Pushan grant us well-being. May Tarkshya of unharmed wheel grant us well-being. May Brihaspati grant us well-being. Om, peace, peace, peace.

हरिः ॐ नमस्ते गणपतये। त्वमेव प्रत्यक्षं तत्त्वमसि। त्वमेव केवलं कर्तासि। त्वमेव केवलं धर्तासि।

Hariḥ Oṃ namaste Gaṇapataye. Tvameva pratyakṣaṃ tattvamasi. Tvameva kevalaṃ kartāsi. Tvameva kevalaṃ dhartāsi

Hari Om. Salutations to you, O Ganapati. You alone are the visible truth. You alone are the sole doer. You alone are the sole sustainer.

त्वमेव केवलं हर्तासि। त्वमेव सर्वं खल्विदं ब्रह्मासि। त्वं साक्षादात्मासि नित्यम्॥1॥

Tvameva kevalaṃ hartāsi. Tvameva sarvaṃ khalv-idaṃ brahmāsi. Tvaṃ sākṣād-ātmāsi nityam

You alone are the sole destroyer. You alone are truly all this, Brahman itself. You are, in truth, the eternal Self.

ऋतं वच्मि। सत्यं वच्मि॥2॥

Ṛtaṃ vacmi. Satyaṃ vacmi

I speak what is right. I speak what is true.

अव त्वं माम्। अव वक्तारम्। अव श्रोतारम्। अव दातारम्। अव धातारम्। अवानूचानमव शिष्यम्।

Ava tvaṃ mām. Ava vaktāram. Ava śrotāram. Ava dātāram. Ava dhātāram. Avānūcānam-ava śiṣyam

Protect me. Protect the speaker. Protect the listener. Protect the giver. Protect the sustainer. Protect the teacher, protect the student.

अव पश्चात्तात्। अव पुरस्तात्। अवोत्तरात्तात्। अव दक्षिणात्तात्। अव चोर्ध्वात्तात्। अवाधरात्तात्। सर्वतो मां पाहि पाहि समन्तात्॥3॥

Ava paścāttāt. Ava purastāt. Avottarāttāt. Ava dakṣiṇāttāt. Ava cordhvāttāt. Avādharāttāt. Sarvato māṃ pāhi pāhi samantāt

Protect me from behind. Protect me from before. Protect me from the north. Protect me from the south. Protect me from above. Protect me from below. Guard me, guard me, from every side.

त्वं वाङ्मयस्त्वं चिन्मयः। त्वमानन्दमयस्त्वं ब्रह्ममयः। त्वं सच्चिदानन्दाद्वितीयोऽसि। त्वं प्रत्यक्षं ब्रह्मासि। त्वं ज्ञानमयो विज्ञानमयोऽसि॥4॥

Tvaṃ vāṅmayastvaṃ cinmayaḥ. Tvam-ānandamayas-tvaṃ brahma-mayaḥ. Tvaṃ saccidānanda-advitīyo'si. Tvaṃ pratyakṣaṃ brahmāsi. Tvaṃ jñānamayo vijñānamayo'si

You are the essence of speech, you are the essence of consciousness. You are the essence of bliss, you are the essence of Brahman. You are being, consciousness and bliss, without a second. You are the visible Brahman. You are the essence of knowledge and of discernment.

सर्वं जगदिदं त्वत्तो जायते। सर्वं जगदिदं त्वत्तस्तिष्ठति। सर्वं जगदिदं त्वयि लयमेष्यति। सर्वं जगदिदं त्वयि प्रत्येति।

Sarvaṃ jagad-idaṃ tvatto jāyate. Sarvaṃ jagad-idaṃ tvattast-iṣṭhati. Sarvaṃ jagad-idaṃ tvayi layameṣyati. Sarvaṃ jagad-idaṃ tvayi pratyeti

This entire universe is born from you. This entire universe rests upon you. This entire universe will dissolve into you. This entire universe returns into you.

त्वं भूमिरापोऽनलोऽनिलो नभः। त्वं चत्वारि वाक्पदानि॥5॥

Tvaṃ bhūmir-āpo'nalo'nilo nabhaḥ. Tvaṃ catvāri vākpadāni

You are earth, water, fire, air and space. You are the four levels of speech.

त्वं गुणत्रयातीतः। त्वं अवस्थात्रयातीतः। त्वं देहत्रयातीतः। त्वं कालत्रयातीतः। त्वं मूलाधारस्थितोऽसि नित्यम्। त्वं शक्तित्रयात्मकः।

Tvaṃ guṇa-trayātītaḥ. Tvaṃ avasthā-trayātītaḥ. Tvaṃ deha-trayātītaḥ. Tvaṃ kāla-trayātītaḥ. Tvaṃ mūlādhāra-sthito'si nityam. Tvaṃ śakti-trayātmakaḥ

You are beyond the three gunas. You are beyond the three states (waking, dream, deep sleep). You are beyond the three bodies. You are beyond the three times (past, present, future). You dwell eternally in the muladhara. You embody the three powers (will, knowledge, action).

त्वां योगिनो ध्यायन्ति नित्यम्। त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्म भूर्भुवः स्वरोम्॥6॥

Tvāṃ yogino dhyāyanti nityam. Tvaṃ Brahmā tvaṃ Viṣṇus-tvaṃ Rudras-tvam-Indras-tvam-Agnis-tvaṃ Vāyus-tvaṃ Sūryas-tvaṃ Candramās-tvaṃ brahma bhūr-bhuvaḥ svarom

Yogis meditate on you always. You are Brahma, you are Vishnu, you are Rudra, you are Indra, you are Agni, you are Vayu, you are Surya, you are Chandrama, you are Brahman itself, the syllable that is earth, atmosphere and heaven.

गणादिं पूर्वमुच्चार्य वर्णादिंस्तदनन्तरम्। अनुस्वारः परतरः। अर्धेन्दुलसितम्। तारेण ऋद्धम्। एतत्तव मनुस्वरूपम्।

Gaṇādiṃ pūrvam-uccārya varṇādims-tadanantaram. Anusvāraḥ parataraḥ. Ardhendu-lasitam. Tāreṇa ṛddham. Etat-tava manu-svarūpam

Uttering first the syllable 'Gana' and then the letter that follows it, then the nasal sound, adorned above with the crescent moon, and joined with the sacred syllable Om: this is the form of your mantra.

गकारः पूर्वरूपम्। अकारो मध्यमरूपम्। अनुस्वारश्चान्त्यरूपम्। बिन्दुरुत्तररूपम् नादः सन्धानम्। संहिता सन्धिः। सैषा गणेशविद्या। गणक ऋषिः। निचृद्गायत्री छन्दः। श्रीमहागणपतिर्देवता। ॐ गं गणपतये नमः॥7॥

Gakāraḥ pūrva-rūpam. Akāro madhyama-rūpam. Anusvāraś-cāntya-rūpam. Bindur-uttara-rūpam Nādaḥ sandhānam. Saṃhitā sandhiḥ. Saiṣā Gaṇeśa-vidyā. Gaṇaka ṛṣiḥ. Nicṛd-gāyatrī chandaḥ. Śrī-mahāgaṇapatir-devatā. Oṃ gaṃ gaṇapataye namaḥ

The letter 'ga' is the first form, 'a' is the middle form, the nasal sound is the final form, the dot (bindu) is the form above, and sound (nada) is their union: this is the joining. This is the sacred knowledge of Ganesha. Its sage is Ganaka, its metre is Nichrid-Gayatri, its deity is the great Ganapati. Om, salutations to Ganapati.

एकदन्ताय विद्महे वक्रतुण्डाय धीमहि। तन्नो दन्तिः प्रचोदयात्॥8॥

Ekadantāya vidmahe vakratuṇḍāya dhīmahi. Tanno dantiḥ pracodayāt

We seek to know the one with a single tusk; we meditate upon the one with the curved trunk. May that tusked one inspire and guide us.

एकदन्तं चतुर्हस्तं पाशमङ्कुशधारिणम्। रदं च वरदं हस्तैर्बिभ्राणं मूषकध्वजम्॥ रक्तं लम्बोदरं शूर्पकर्णकं रक्तवाससम्।

Ekadantaṃ catur-hastaṃ pāśam-aṅkuśa-dhāriṇam. Radaṃ ca varadaṃ hastair-bibhrāṇaṃ mūṣaka-dhvajam. Raktaṃ lambodaraṃ śūrpa-karṇakaṃ rakta-vāsasam

One-tusked, four-armed, holding a noose and a goad, bearing his broken tusk and a gesture of blessing in his hands, with the mouse as his emblem, red in hue, large-bellied, with winnowing-fan ears, clothed in red.

रक्तगन्धानुलिप्ताङ्गं रक्तपुष्पैः सुपूजितम्॥ भक्तानुकम्पिनं देवं जगत्कारणमच्युतम्। आविर्भूतं च सृष्ट्यादौ प्रकृतेः पुरुषात्परम्॥ एवं ध्यायति यो नित्यं स योगी योगिनां वरः॥9॥

Rakta-gandhānuliptāṅgaṃ rakta-puṣpaiḥ supūjitam. Bhaktānukampinaṃ devaṃ jagat-kāraṇam-acyutam. Āvirbhūtaṃ ca sṛṣṭyādau prakṛteḥ puruṣāt-param. Evaṃ dhyāyati yo nityaṃ sa yogī yogināṃ varaḥ

His body anointed with red sandal paste, well worshipped with red flowers: this god who is compassionate to his devotees, the unshakable cause of the universe, who appeared at the very beginning of creation, beyond both primal nature and the cosmic person. Whoever meditates thus on him always is the foremost among yogis.

नमो व्रातपतये नमो गणपतये नमः प्रमथपतये नमस्तेऽस्तु लम्बोदराय एकदन्ताय विघ्नविनाशिने शिवसुताय श्रीवरदमूर्तये नमः॥10॥

Namo vrāta-pataye namo gaṇa-pataye namaḥ pramatha-pataye namas-te'stu lambodarāya ekadantāya vighna-vināśine śiva-sutāya śrī-varada-mūrtaye namaḥ

Salutations to the lord of the sacred bands, salutations to the lord of the ganas, salutations to the lord of Shiva's attendants. Salutations to you, the large-bellied one, the one-tusked one, the destroyer of obstacles, the son of Shiva, the auspicious bestower of boons.

एतदथर्वशीर्षं योऽधीते। स ब्रह्मभूयाय कल्पते। स सर्वविघ्नैर्न बाध्यते। स सर्वतः सुखमेधते। स पञ्चमहापापात् प्रमुच्यते।

Etad-atharva-śīrṣaṃ yo'dhīte. Sa brahma-bhūyāya kalpate. Sa sarva-vighnair-na bādhyate. Sa sarvataḥ sukham-edhate. Sa pañca-mahāpāpāt pramucyate

Whoever studies this Atharvashirsha becomes fit for union with Brahman. He is untroubled by any obstacle. He flourishes in happiness on every side. He is freed from the five great sins.

सायमधीयानो दिवसकृतं पापं नाशयति। प्रातरधीयानो रात्रिकृतं पापं नाशयति। सायं प्रातः प्रयुञ्जानः पापोऽपापो भवति। धर्मार्थकाममोक्षं च विन्दति। इदमथर्वशीर्षमशिष्याय न देयम्। यो यदि मोहाद् दास्यति। स पापीयान् भवति। सहस्रावर्तनाद्यं यं काममधीते। तं तमनेन साधयेत्॥11॥

Sāyam-adhīyāno divasa-kṛtaṃ pāpaṃ nāśayati. Prātar-adhīyāno rātri-kṛtaṃ pāpaṃ nāśayati. Sāyaṃ prātaḥ prayuñjānaḥ pāpo'pāpo bhavati. Dharmārtha-kāma-mokṣaṃ ca vindati. Idam-atharva-śīrṣam-aśiṣyāya na deyam. Yo yadi mohād dāsyati. Sa pāpīyān bhavati. Sahasrāvartanād-yaṃ yaṃ kāmam-adhīte. Taṃ tam-anena sādhayet

Reciting it in the evening destroys the sins done during the day. Reciting it at dawn destroys the sins done during the night. Reciting it both evening and morning, even a sinner becomes free of sin. He attains righteousness, prosperity, desire and liberation. This Atharvashirsha should not be given to one who is not a disciple. Whoever gives it out of delusion becomes deeply sinful. By reciting it a thousand times, whatever desire one holds, that very desire is accomplished through it.

अनेन गणपतिमभिषिञ्चति। स वाग्मी भवति। चतुर्थ्यामनश्नन् जपति। स विद्यावान् भवति। इत्यथर्वणवाक्यम्। ब्रह्माद्याचरणं विद्यान्न बिभेति कदाचनेति॥12॥

Anena gaṇapatim-abhiṣiñcati. Sa vāgmī bhavati. Caturthyām-anaśnan japati. Sa vidyāvān bhavati. Ity-atharvaṇa-vākyam. Brahmādyācaraṇaṃ vidyān-na bibheti kadācaneti

Whoever bathes an image of Ganapati while reciting this becomes eloquent in speech. Whoever recites it while fasting on the fourth lunar day becomes learned. This is the teaching of the Atharvan sage. One who knows the conduct that begins with Brahman never has cause for fear.

यो दूर्वाङ्कुरैर्यजति स वैश्रवणोपमो भवति। यो लाजैर्यजति। स यशोवान् भवति। स मेधावान् भवति। यो मोदकसहस्रेण यजति स वाञ्छितफलमवाप्नोति। यः साज्य समिद्भिर्यजति। स सर्वं लभते स सर्वं लभते॥13॥

Yo dūrvāṅkurair-yajati sa vaiśravaṇopamo bhavati. Yo lājair-yajati. Sa yaśo-vān bhavati. Sa medhāvān bhavati. Yo modaka-sahasreṇa yajati sa vāñchita-phalam-avāpnoti. Yaḥ sājya samid-bhir-yajati. Sa sarvaṃ labhate sa sarvaṃ labhate

Whoever worships with fresh durva grass shoots becomes like Vaishravana (Kubera, lord of wealth). Whoever worships with parched grain becomes famous; he becomes wise. Whoever worships with a thousand modakas obtains the fruit he desires. Whoever worships with sacrificial sticks dipped in ghee obtains everything, obtains everything.

अष्टौ ब्राह्मणान् सम्यग् ग्राहयित्वा सूर्यवर्चस्वी भवति। सूर्यग्रहे महानद्यां प्रतिमासन्निधौ वा जप्त्वा सिद्धमन्त्रो भवति। महाविघ्नात् प्रमुच्यते। महादोषात् प्रमुच्यते। महापापात् प्रमुच्यते। महाप्रत्यवायात् प्रमुच्यते।

Aṣṭau brāhmaṇān samyag grāhayitvā sūrya-varcasvī bhavati. Sūrya-grahe mahā-nadyāṃ pratimā-sannidhau vā japtvā siddha-mantro bhavati. Mahā-vighnāt pramucyate. Mahā-doṣāt pramucyate. Mahā-pāpāt pramucyate. Mahā-pratyavāyāt pramucyate

Whoever properly teaches this to eight brahmins becomes radiant as the sun. Whoever recites it during a solar eclipse, or beside a great river, or in the presence of a sacred image, gains a mantra of proven power. He is freed from great obstacles. He is freed from great faults. He is freed from great sins. He is freed from great wrongs.

स सर्वविद्भवति स सर्वविद्भवति। य एवं वेद। इत्युपनिषत्॥14॥

Sa sarva-vid-bhavati sa sarva-vid-bhavati. Ya evaṃ veda. Ityupaniṣat

He becomes one who knows all, he becomes one who knows all. Thus knows one who understands this. Thus ends the Upanishad.

ॐ भद्रं कर्णेभिः शृणुयामदेवाः भद्रं पश्येमाक्षभिर्यजत्राः। स्थिरैरङ्गैस्तुष्टुवाꣳसस्तनूभिः व्यशेम देवहितं यदायुः॥

Oṃ bhadraṃ karṇebhiḥ śṛṇuyāma devāḥ bhadraṃ paśyemākṣabhir-yajrātrāḥ. Sthirair-aṅgais-tuṣṭuvāṃsas-tanūbhiḥ vyaśema devahitaṃ yadāyuḥ

Om. O gods, may we hear with our ears what is auspicious. O ones worthy of worship, may we see with our eyes what is auspicious. May we, praising you with steady limbs and bodies, enjoy the full life allotted to us by the gods.

स्वस्ति न इन्द्रो वृद्धश्रवाः स्वस्ति नः पूषा विश्ववेदाः। स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु॥ ॐ शान्तिः शान्तिः शान्तिः

Svasti na Indro vṛddha-śravāḥ svasti naḥ Pūṣā viśva-vedāḥ. Svasti nas-tārkṣyo ariṣṭa-nemiḥ svasti no Bṛhaspati-r-dadhātu. Oṃ śāntiḥ śāntiḥ śāntiḥ

May Indra of ancient renown grant us well-being. May all-knowing Pushan grant us well-being. May Tarkshya of unharmed wheel grant us well-being. May Brihaspati grant us well-being. Om, peace, peace, peace.