Ganesh Pancharatnam (Mudakaratta Modakam)

मुदाकरात्तमोदकं सदा विमुक्तिसाधकं कलाधरावतंसकं विलासिलोकरक्षकम्

Mudākarātta-modakaṃ sadā vimukti-sādhakaṃ kalādhara-avataṃsakaṃ vilāsi-loka-rakṣakam

He who joyfully holds the modaka in his hand, who ever grants liberation, who wears the crescent moon as his crest-jewel, protector of the shining worlds,

अनायकैकनायकं विनाशितेभदैत्यकं नताशुभाशुनाशकं नमामि तं विनायकम्

Anāyakaika-nāyakaṃ vināśita-ibha-daityakaṃ natāśubhāśu-nāśakaṃ namāmi taṃ vināyakam

the one leader of the leaderless, destroyer of the elephant-demon, swift remover of the misfortunes of those who bow to him: I salute that Vinayaka.

नतेतरातिभीकरं नवोदितार्कभास्वरं नमत्सुरारिनिर्जरं नताधिकापदुद्धरम्

Natetarāti-bhīkaraṃ navoditārka-bhāsvaraṃ namat-surāri-nirjaraṃ natādhikāpad-uddharam

Terrifying to the foes of those who do not bow, radiant as the newly risen sun, before whom both gods and their enemies bow, who lifts away the gravest calamities of his devotees,

सुरेश्वरं निधीश्वरं गजेश्वरं गणेश्वरं महेश्वरं तमाश्रये परात्परं निरन्तरम्

Sureśvaraṃ nidhīśvaraṃ gajeśvaraṃ gaṇeśvaraṃ maheśvaraṃ tam āśraye parātparaṃ nirantaram

lord of the gods, lord of treasures, lord of elephants, lord of the ganas, the great lord: in him, higher than the highest, I take refuge without ceasing.

समस्तलोकशंकरं निरस्तदैत्यकुञ्जरं दरेतरोदरं वरं वरेभवक्त्रमक्षरम्

Samastaloka-śaṃkaraṃ nirasta-daitya-kuñjaraṃ daretarodaraṃ varaṃ varebha-vaktram akṣaram

Bringer of good to all the worlds, who cast out the elephant among demons, whose belly is anything but small, the excellent one, bearing the face of the noble elephant, imperishable,

कृपाकरं क्षमाकरं मुदाकरं यशस्करं मनस्करं नमस्कृतां नमस्करोमि भास्वरम्

Kṛpākaraṃ kṣamākaraṃ mudākaraṃ yaśaskaraṃ manaskaraṃ namaskṛtāṃ namaskaromi bhāsvaram

the giver of compassion, of forbearance, of joy, of renown, and of strength of mind to those who bow to him: to that radiant one I bow.

अकिंचनार्तिमार्जनं चिरन्तनोक्तिभाजनं पुरारिपूर्वनन्दनं सुरारिगर्वचर्वणम्

Akiṃcanārti-mārjanaṃ cirantanokti-bhājanaṃ purāri-pūrva-nandanaṃ surāri-garva-carvaṇam

He who wipes away the distress of the destitute, who is the subject of the ancient scriptures, the elder son of Purari (Shiva, foe of the three cities), who chews away the pride of the enemies of the gods,

प्रपञ्चनाशभीषणं धनंजयादिभूषणम् कपोलदानवारणं भजे पुराणवारणम्

Prapañca-nāśa-bhīṣaṇaṃ dhanañjayādi-bhūṣaṇam kapola-dāna-vāraṇaṃ bhaje purāṇa-vāraṇam

awesome at the dissolution of the world, adorned with Dhananjaya and the other serpents, the elephant whose cheeks stream with ichor: I worship that ancient elephant-lord.

नितान्तकान्तदन्तकान्तिमन्तकान्तकात्मजं अचिन्त्यरूपमन्तहीनमन्तरायकृन्तनम्

Nitānta-kānta-danta-kānti-manta-kānta-kātmajaṃ acintya-rūpam antahīnam antarāya-kṛntanam

Radiant with the exceeding beauty of his tusk, the son of him who ended Death itself, of inconceivable form, without end, the cutter-down of obstacles,

हृदन्तरे निरन्तरं वसन्तमेव योगिनां तमेकदन्तमेव तं विचिन्तयामि सन्ततम्

Hṛdantare nirantaraṃ vasantam eva yogināṃ tam ekadantam eva taṃ vicintayāmi santatam

who dwells unceasingly within the hearts of yogis: upon that one-tusked one alone I meditate without pause.

महागणेशपञ्चरत्नमादरेण योऽन्वहं प्रजल्पति प्रभातके हृदि स्मरन् गणेश्वरम्

Mahāgaṇeśa-pañcaratnam ādarena yo'nvahaṃ prajalpatī prabhātake hṛdi smaran gaṇeśvaram

Whoever recites this Mahaganesha Pancharatnam with reverence each day at dawn, remembering Ganeshvara in the heart,

अरोगतामदोषतां सुसाहितीं सुपुत्रतां समाहितायुरष्टभूतिमभ्युपैति सोऽचिरात्

Arogatāṃ adoṣatāṃ susāhitīṃ suputratāṃ samāhitāyur aṣṭabhūtim abhyupaiti so'cirāt

soon attains freedom from disease, freedom from fault, mastery of learning, worthy children, a full span of life, and the eightfold prosperity.

इति श्रीशङ्करभगवतः कृतौ श्रीगणेशपञ्चरत्नस्तोत्रं सम्पूर्णम् ॥

Iti śrīśaṅkarabhagavataḥ kṛtau śrīgaṇeśapañcaratnastotraṃ sampūrṇam

Thus ends the Shri Ganesha Pancharatna Stotram, composed by the venerable Shankara.